Në Ditën e të drejtave të Njeriut, presidenti i Shqipërisë, Bajram Begaj, ka kujtuar 75-vjetorin e Deklaratës Universale.
Për të njëjtën Begaj thotë se shënjoi historinë.
“Deklarata Universale e të Drejtave të Njeriut, dokumenti themelor që ka shënjuar historinë e të drejtave të njeriut, përkon sot me 75-vjetorin e krijimit”, shkroi ai në Facebook.
Presidenti Begaj theksoi se deklarata e të Drejtave të Njeriut është ideali i përbashkët, për të cilin luftojnë ta arrijnë të gjithë popujt dhe kombet, që në mënyrë të sigurt çdo individ të gëzojë i barabartë dhe pa diskriminim liritë dhe të drejtat themelore njerëzore.
“Është një përkim i bukur që në 75-vjetorin e saj, Shqipëria u zgjodh për herë të dytë anëtare e Këshillit të të Drejtave të Njeriut në OKB. Institucionet tona do të vijojnë të mbrojnë dhe promovojnë të Drejtat e Njeriut për një botë me liri, drejtësi e barazi për të gjithë”, shtoi më tej ai.
