Policia e Kosovës ka njoftuar se ka gjobitur me masa ndëshkuese dy shoferët që bënin gara të kundërligjshme në trafikun rrugor në Vushtrri.
Sipas komunikatës për media të Policisë së Kosovës thuhet se ndaj dy kundërvajtësve janë shqiptuar gjoba nga pesëqind (500) euro, pesë (5) pikë negative, si dhe masa mbrojtëse-marrja e patentë shoferit në kohëzgjatje prej dhjetë (12) muajsh.
“Policia në Vushtrri ka identifikuar dhe ka marrë masa ndaj dy shoferëve për kundërvajtje në trafikun rrugor. Kundërvajtësit janë hasur në rrugën ,Dëshmoret e Kombit’ Vushtrri, të cilët në kundërshtim me rregullat e trafikut rrugor zhvillonin gara shpejtësie me vetura, duke penguar dhe rrezikuar edhe pjesëmarrësit tjerë në trafikun rrugor.Ndaj dy kundërvajtësve janë shqiptuar gjoba nga pesëqind (500) euro, pesë (5) pikë negative si dhe masa mbrojtëse-marrja e patentë shoferit në kohëzgjatje prej dhjetë (12) muajsh”, thuhet në njoftim.