Ish-zëvendësministri i Punëve të Jashtme, Anton Berisha, ka thënë se është e pamundur që kryeministri i Kosovës, Albin Kurti, të mos e ketë ditur se anëtarësimi i Kosovës në Këshillin e Evropës (KiE) është i kushtëzuar me Asociacionin.
Sipas Berishës, Kurti është duke e dëshmuar çdo ditë se për të Kosova është “një instrument për planet e tij personale”, dhe krahas kësaj, Kosova nuk do të anëtarësohet në KiE.
Berisha është shprehur se Kosova do të zhytet në krizë të brendshme, dhe siç ai i ka vlerësuar si “beteja të kota politike elektorale” për të mjegulluar “goditjen e radhës” qe i behet Kosovës.
Kryeministri i vendit, Albin Kurti, ka thënë se Qeveria e Kosovës nuk pranon që anëtarësimi në KiE të kushtëzohet me themelimin e Asociacionit të Komunave me shumicë serbe.
Lexo më shumë: Kurti: Nuk e pranojmë kushtëzimin e anëtarësimit në KiE me Asociacionin
Ai ka thënë se mungesa e përkrahjes nga shtetet aleate është për keqardhje, derisa e ka refuzuar kërkesën e Gjermanisë dhe Francës që të dërgohet draft-statuti i Asociacionit në Gjykatën Kushtetuese, duke e cilësuar si absurde.
Pasi, sipas tyre, kështu do të siguronte votat e nevojshme në Komitetin e Ministrave për anëtarësimin final në Këshill të Evropës.