Ish-zëvëndësministri, Anton Berisha ka thënë se nënshkrimi i marrëveshjes bazike për normalizim të marrëdhënieve me Serbinë nga kryeministri Kurti është veprim i duhur.
Berisha ka thënë se kauza e kryeministrit: “Jo Negociata, Vetëvendosje; Jo Asociacion.” – ka qenë një “mashtrim i madh njëdekadësh me të vetmin qellim: ardhjen e tij në pushtet”.
“Tash, humbja e një dekade, tymi në Kuvend e flaka në Prishtinë, debatet e kota e energjia e hargjuar, izolimi i qytetarëve deri te masat e ndërmarra nga europerëndimorët ndaj Kosoves, është çmimi i rëndë që ka paguar shteti i Kosovës”, ka shkruar ai.
Berisha ka thënë se një shoqëri “e maturuar” duhet t’i kërkoj llogari kësaj shtrese politikanësh.
“Një shoqëri e maturuar duhet t’i kërkoj llogari kësaj shtrese politikanësh që për motive pushteti përdor emocionin e masave, e në fund dëshmon që përveç dëmit të shkaktuar nuk ka realizuar asnjë objektiv shtetëror”.