“Lirojeni mjeranin që më goditi”.
Kjo është thirrja e Sali Berishës ndaj autoriteteve, për të riun, Gerti Shehu, që e goditi me grusht mesditën e së martës.
“Së fundmi, le t’i themi policisë; liroje fatkeqin, liroje. Sepse, ai është një mjeran, që ka shitur veten. Dhe përpiqen sot, ta lidhin meqenëse është një samit, e vërteta e pamohueshme, liderë të krishterë, me bishta që çojnë nga Turqia apo ndonjë vend tjetër. Nuk kanë asgjë të përbashkët. Ka vetëm një autor, ky është Edi Rama. Ka vetëm një arkitekt, është Edi Rama. Atë lirojeni dhe mos shpërndani dokrra dhe përralla se autori i vërtetë është i ulur në samit si kryekriminel i Ballkanit dhe Evropës”, u shpreh Berisha, raporton euronews.
Siç mëson RTV Dukagjini, Gerti Shehu, kishte probleme mendore.
Gerti Shehu, 31 vjeç sulmoi mesditën e së martës kreun e PD-së, Sali Berisha, teksa ky ai ishte duke marshuar drejt bulevardit “Dëshmorët e Kombit” për të marrë pjesë në protestë.
31-vjeçari u shoqërua nga policia dhe aktualisht po merr mjekim në spitalin e Traumës, pasi ka dëmtime në fytyrë dhe fraktura në hundë.