Ish-zëvendësministri i Punëve të Jashtme, Anton Berisha, ka reaguar lidhur me zhvillimet e fundit politike në vend.
Berisha ka thënë se opozita në vend që të mos e lejojë mosanëtarësimin e Kosovës në Këshillin e Evropës (KiE), ajo është përfshirë në temën e zgjedhjeve.
“Opozita, në vend që të ushtrojë presion për të mos lejuar dështimin më të madh të Qeverisë Kurti dhe të Kosovës që nga shpallja e pavarësisë, mosanëtarësimin në Këshillin e Evropës, ajo ka hyrë në vallen e temës së shpikur të Kurtit për zgjedhjet”, ka thënë Berisha.
Berisha ka thënë se kjo “mosndjeshmëri”, siç e ka cilësuar ai, ndaj një teme kaq madhore, është tregues se as ajo nuk e ka prioritet anëtarësimin e Kosovës në KiE, por “ka dëshirën e pushtetit”.
Për më tepër, në këto kondita është një qasje naive politike dhe nënkuptueshëm mungesë e sensit shtetëror”, ka përfunduar ish-zëvendësministri i Punëve të Jashtme.