Presidenti i Shteteve të bashkuara të Amerikës, Joe Biden do të udhëtojë në Poloni, të premten, si pjesë e përpjekjeve të tij diplomatike rreth luftës Rusi-Ukrainë.
“Ai do të zhvillojë një takim dypalësh me presidentin Andrzej Duda”, thuhet në deklaratën e sekretarit për media të Shtëpisë së Bardhë, Jen Psaki.
“Presidenti do të diskutojë se si Shtetet e Bashkuara, së bashku me aleatët dhe partnerët tanë, po i përgjigjen krizës humanitare dhe të të drejtave të njeriut që ka krijuar lufta e pajustifikuar dhe e paprovokuar e Rusisë kundër Ukrainës”, shtoi ai.
Të hënën, Biden do të ketë një telefonatë me presidentin francez Emmanuel Macron, kancelarin gjerman Olaf Scholz, kryeministrin italian Mario Draghi dhe kryeministrin e Mbretërisë së Bashkuar, Boris Johnson.
Të mërkurën, ai do të udhëtojë në Bruksel për të marrë pjesë në samitet në NATO-s dhe Këshillin Evropian, si dhe një takim me përfaqësuesit e shteteve të G7.
Polonia ndan një kufi me Ukrainën dhe është përmbytur me refugjatë, që kur forcat e presidentit rus Vladimir Putin invaduan në Ukrain muajin e kaluar.
Polonia u pushtua në vitin 1939 nga Gjermania dhe ish-Bashkimi Sovjetik. Pas Luftës së Dytë Botërore, sovjetikët fitimtarë dominuan Poloninë deri në përfundimin e Luftës së Ftohtë më 1989. Pas rënies së Bashkimit Sovjetik, Polonia iu bashkua NATO-së më 1999.
Megjithatë, ai nuk ka plane të udhëtojë në Ukrainë gjatë udhëtimit të tij, tha zëdhënësja e Shtëpisë së Bardhë.