Bashkësia Islame e Kosovës, ka bërë të ditur pakon për shkuarjen në Haxh, e cila kushton pesë mijë e 700 euro.
Me këtë çmim të pakos hyjnë transporti, ushqimi, vizitat në vendet historike në Medinë e shumë të tjera
Bashkësia Islame e Kosovës, këtë e ka bërë të ditur përmes një njoftimi në faqen zyrtare, ku ka treguar çmimin dhe dokumentet e nevojshme që duhet t’i kenë besimtarët myslimanë të cilët janë të interesuar që këtë vit të kryejnë Haxhin, në Mekë.
Siç shihet në fotografinë e publikuar nga BIK-u, këtë vit shkuarja në Haxh e kap koston e pesë mijë e 700 eurove, derisa janë listuar edhe dokumentacionet e nevojshme.
Ndërkaq, në disponimin e komentuesve vërehet një pakënaqësi për sa i përket shumës së nevojshme, të cilën e kanë cilësuar shumë të lartë.
Ndërkaq, njoftim për Haxh ka bërë edhe Komuniteti Mysliman në Shqipëri. Ajo që vërehet në njoftimin e Shqipërisë, është që çmimi i përgjithshëm i kryerjes së këtij rituali është katër mijë e 900 euro, duke e llogaritur se është 800 euro më pak se në Kosovë.
Qytetarët nga Kosova e kanë bërë menjëherë këtë llogari duke iu komentuar BIK-ut, se pse në Kosovë është më shtrenjtë.
Po ashtu, bëhet e ditur se për qytetarët e Kosovës, që kanë mundësinë e shkurajes në Haxh, do të u nevojitet vërtetimi i vaksinimit anti-covid së paku dy doza, dhe testi PCR negativ për vetëm 72 orë para hyrjes në Arabinë Saudite.
Ndërkaq, çmimi i Haxhit për besimtarët mysliman të Kosovës, në vitin 2019 ishte 4 mijë e 150 euro.