Zëvendëskryeministri i parë në Kosovë, Besnik Bislimi, në diskutimin me temën “Raporti i Zgjerimit: Çfarë ka në të për Kosovën?”, që është organizuar nga Zyra e BE-së në Kosovë dhe Shtëpia e Evropës, ka thënë se BE-ja duhet të jetë më e hapur ndaj progresit që po bën Kosova.
Sipas tij, brenda parlamentit ka pasur raste që është krijuar përshtypja që Kosova po ecë shumë shpejt.
“BE të jetë më e hapur ndaj progresit që po bën Kosova. Ka pasur raste kur brenda parlamentit është krijuar një përshtypje që po ecim shumë shpejt dhe BE-ja nuk mund të na përcjellë me këtë ritëm. BE-ja nuk duhet të vihet në siklet për këtë, duhet të jetë e gëzuar”, ka thënë ai.
Bislimi teksa ka folur për luftën në Ukrainë ka vlerësuar se e njëjta ka sjellë ndryshime në kontinent, kurse në Kosovë është manifestuar në krizën energjike dhe rritjen e çmimeve.
“Është dashur të adresohen tri fusha me rëndësi: Ringjallja ekonomisë, inflacioni apo përballja me kriza energjetike, apo rritja e kostos të përballimit me energji elektrike. Në kësi situata mendoj që kruciale është aftësia e qeverisë për të ndërhyrë më shpejt dhe në mënyrë më të targetuara. Andaj edhe mua elementi më e rëndësishme që ka ndodhur është stabiliteti politik që ka dresuar masat e qeverisë për t’u dalë në ndihmë të qytetarëve”, ka thënë Bislimi.
Bislimi teksa është pyetur për takimin e tij në Bruksel me përfaqësuesin e BE-së për dialog, Miroslav Lajçak, se a ka ndonjë shenjë për marrëveshje për targat, ka hezituar të flasë duke iu shmangur pyetjes.
“Mendoj që është jo seriozë te thuhet a brengoset qeveria a ka me pas tension. Ne brengosemi edhe për gjëra të vogla. Gjithë hapat që jemi duke i ndërmerr është me vendos ligjin pa vendosur tensione”, ka shtuar ai.