Zëvendëskryeministri i Kosovës, Besnik Bislimi, i ka dërguar emisarit të BE-së për dialogun Kosovë – Serbi, Miroslav Lajçak, një letër në të cilën i ka renditur përpjekjet që ka bërë Kosova ndaj përmbushjes së kërkesave të BE-së për t’i larguar masat që unioni evropian i ka vendosur ndaj Kosovës.
Në një postim në llogarinë e tij në platformën “X”, Bislimi ka përsëritur thirrjet për t’u larguar sa më shpejt masat që BE-ja ia ka vendosur Kosovës.
“Në një letër dërguar emisarit të BE-së, Lajçak, kam renditur përpjekjet që ka bërë Kosova ndaj kërkesave për heqjen e masave. Një largim i menjëhershëm i masave do të ndihmonte t’i mobilizonim përpjekjet për përparimin e përshpejtuar të reformave dhe të krijonim një mjedis për forcimin e bashkëpunimit rajonal dhe integrimin më të shpejtë të gjashtëshes së Ballkanit Perëndimor”, ka shkruar Bislimi.
In a letter to EUSR Lajcak, I listed efforts that 🇽🇰 made towards requirements for measures to be lifted. An immediate removal would help us mobilize efforts for accelerated reform progress, create the environment for strengthened regional cooperation & faster integration of WB6. pic.twitter.com/k0KWm4wyEn
— Besnik Bislimi (@BislimiBesnik) February 5, 2024