Bislimi kërkon njohjen e pavarësisë nga diplomatja greke

Besnik Bislimi, ka vlerësuar bashkëpunimin me zyrën greke, duke vënë në pah mundësitë për thellimin e këtij bashkëpunimi dhe marrëdhënieve në mes dy shteteve

Zëvendëskryeministri i parë i Republikës së Kosovës, për Integrim Evropian, Zhvillim dhe Dialog, Besnik Bislimi ka pritur në takim shefen e Zyrës Ndërlidhëse greke në Kosovë, Heleni Vakali.

Bislimi, ka vlerësuar bashkëpunimin e deritanishëm me zyrën greke duke vënë në pah mundësitë për thellimin e këtij bashkëpunimi dhe marrëdhënieve mes dy vendeve.

Përmes një njoftimi për media nga Zyra e Kryeministrit, thuhet se në takim u cek angazhimi dhe progresi i Kosovës në rrugën drejt integrimit evropian dhe dinamikat përgjatë këtij viti.

“Duke theksuar po ashtu nevojën për liberalizimin e vizave për qytetarët e Republikës së Kosovës dhe objektivat për anëtarësim në Këshillin e Evropës dhe aplikimin për marrjen e statusit të vendit kandidat për anëtarësim në Bashkim Evropian (BE)”, thuhet në njoftim.

Po ashtu në njoftim, thuhet se ambasadorja Vakali u shpreh se Greqia mban marrëdhënie të shkëlqyera me Kosovën dhe se ato janë zhvilluar në një nivel më të avancuar.

Vakali ka theksuar se ndjehet e impresionuar me potencialin e madh që ka Kosova dhe mundësitë që ekzistojnë për bashkëpunim bilateral.

Ndërsa Bislimi e ka falënderuar Vakali-n për takimin dhe ka theksuar rolin e rëndësishëm, që Greqia ka në rajonin e Ballkanit Perëndimor dhe ka shprehur gatishmëri të plotë për thellimin e bashkëpunimit në mes të dy vendeve.

Po ashtu, zëvendëskryeministri Bislimi, ka potencuar se “tani është momenti i duhur që Greqia, t’iu bashkohet shumicës së vendeve të Bashkimit Evropian dhe ta njohë pavarësinë e Kosovës”.

Heleni Vakali dhe Besnik Bislimi

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika