Zëvendëskryeministri Besnik Bislimi ka njoftuar mbi takimi me emisarin e Bashkimit Evropian për dialogun Kosovë-Serbi, Miroslav Lajçak, ku diskutuan për çështje të lidhura me dialogun.
Me anë të një postimi në llogarinë e tij në Twitter, Bislimi ka thënë se gjatë këtij takimi u diskutua për nevojën e zbatimit të plotë dhe të shpejtë të udhërrëfyesit të energjisë dhe çështjet në lidhje me lirinë e lëvizjes, në letrën e Beogradit për tërheqje nga marrëveshja.
“U takuam sot në Vjenë me EUSR Lajçak për të diskutuar çështje të lidhura me dialogun. U fol për nevojën e zbatimit të plotë dhe të shpejtë të udhërrëfyesit të energjisë dhe çështjet në lidhje me lirinë e lëvizjes, në letrën e Beogradit për tërheqje nga marrëveshja”, shkroi Bislimi.
Po ashtu, ai tha se u folën edhe çështje të tjera që lidhen me urgjencën për implikim të plotë dhe të pakushtëzuar të Marrëveshjes Bazike
“Theksoj se shtytja e propozimit për njohjen e pasaportave të paligjshme të lëshuara nga Serbia, ndikon negativisht në procesin integrues dhe dëmton rëndë dialogun”, tha Bislimi.
1/2 Met today in Vienna w/EUSR Lajcak to discuss dialogue related issues. Talked about the need for full & swift implementation of the energy roadmap & issues regarding freedom of movement, to Belgrade’s letter of withdrawal from the agreement. pic.twitter.com/H1SlIdftSZ
— Besnik Bislimi (@BislimiBesnik) January 15, 2024
Lajçaku ka thënë se kanë biseduar për një gamë të gjerë të çështjeve të ndërlidhura me dialogun, dhe se janë pajtuar që zbatimi i shpejtë i Marrëveshjes së Normalizimit është urgjent.
“Para Forumit Botëror Ekonomik në Davos jam takuar me zëvendëskryeministrin e parë Besnik Bislimi për të diskutuar për një gamë të gjerë të temave të dialogut dhe pritjet për avancimin e normalizimit të marrëdhënieve me Serbinë në periudhën e ardhshme. Jemi pajtuar që zbatimi i shpejtë i Marrëveshjes për Rrugën drejt Normalizimit është urgjent”, ka shkruar Lajçak në platformën X.