Sekretari i Shteteve të Bashkuara të Amerikës, Antony Blinken do të udhëtojë për në Bukuresht të Rumanisë nga data 28-30 nëntor, ku do të marrë pjesë në Takimin e Ministrave të Jashtëm të NATO-s.
“Takimi i Ministrave të Jashtëm të NATO-s do të fokusohet në luftën e Rusisë kundër Ukrainës, zbatimin e Konceptit të ri Strategjik të NATO-s, duke përfshirë sfidat nga Republika Popullore e Kinës, sigurinë energjetike, mbrojtjen e infrastrukturës kritike dhe përpjekjet e NATO-s për të ndërtuar kapacitete dhe për të forcuar qëndrueshmërinë në Bosnje dhe Hercegovina, Gjeorgjia dhe Moldavia”, thuhet në njoftimin e Shtëpisë së Bardhë.
Agjenda e sekretarit të Amerikës, Blinken në Rumani
Ndërsa në Bukuresht, sekretari Blinken dhe kryeministri rumun Nicolae Ciucă do të vizitojnë ekspozitën “Ne njerëzit – 25 vjet partneritet strategjik” që feston momentet kyçe në partneritetin SHBA-Rumani që nga viti 1997.
Përveç këtij takim Sekretari Blinken do të ketë takime të veçanta edhe me presidentin rumun Klaus Lohannis, e ministrin e jashtëm rumun Bogdan Aurescu dhe sekretarin e përgjithshëm të NATO-s Jens Stoltenberg dhe do të marrë pjesë në një darkë pune me ministrin e Jashtëm ukrainas Dmytro Kuleba.