Sekretari amerikan i Shtetit, Antony Blinken, ka mbërritur sot në Izrael nga Egjipti, ndërsa vazhdon përpjekjet e tij për të siguruar një armëpushim në Gaza.
Ai do të takohet me kryeministrin e Izraelit, Benjamin Netanyahu, në një kohë të marrëdhënieve të tensionuara mes SHBA-së dhe Izraelit.
Gjatë ditës së djeshme, Blinken ishte në Kajro (kryeqyteti i Egjiptit) dhe duke folur në një konferencë shtypi, ai ka thënë se hapësirat po “ngushtohen” në bisedimet e vazhdueshme që synojnë arritjen e një armëpushimi në Gaza, së bashku me lirimin e pengjeve të mbajtura nga Hamasi, raporton BBC, përcjellë Dukagjini.
“Ka ende punë të vështirë për të arritur atje, por unë vazhdoj të besoj se është e mundur”, ka thënë Blinken, duke shtuar se ShBA ishte në marrëveshje me aleatët e saj arabë për nevojën e një armëpushimi.