Në vizitën e tij të parë zyrtare në Tiranë, sekretari Amerikan i Shtetit, Antony Blinken, ka theksuar se ndihet shumë i vlerësuar për pritjen dhe ambientin e ngrohtë, duke e quajtur atë “vendi i shqiponjave”.
Pas një takimi me të rinjtë shqiptarë, të cilët kanë përfituar nga programet edukative amerikane, ai ka theksuar forcimin e marrëdhënieve midis dy vendeve.
Blinken ka thënë se ndjen një mirëseardhje të mrekullueshme dhe ka shprehur mirënjohjen për ambientin e ngrohtë që ka ndier në çdo dhomë në Tiranë.
Ai ka vlerësuar punën e kryeministrit shqiptar, Edi Rama, i cili ka thënë se është duke i dhënë energji dhe ngjyra të bukura qytetit.
“Një pritje të mrekullueshëm në vendin e shqiponjave e ndjej ambientin e ngrohtë jashtë, dhe e ndjej ngrohtësinë në çdo dhomë që kam qenë në Tiranë dhe nuk e dini sa mirënjohës jam. Është një moment i rëndësishëm dhe vlerësim për punën tuaj për të forcuar marrëdhëniet midis vendeve tona. Falënderoj z. Rama dhe jam shumë i lumtur që jam sot me ju në një qytet që ju si ish-kryetar bashkie i keni dhënë energji dhe i keni dhënë ngjyra të bukura. Jam mirënjohës dhe sidomos jam mirënjohës partneritetin e jashtëzakonshëm që ne të dy kemi”, ka deklaruar Blinken.
Gjithashtu, sekretari i Shtetit ka falënderuar kryeministrin dhe ka shprehur gëzimin e tij për “partneritetin e jashtëzakonshëm që Shtetet e Bashkuara dhe Shqipëria kanë ndërtuar”.
Në deklaratat e tij, Blinken ka theksuar momentin si një vlerësim për punën e bërë për t’i forcuar marrëdhëniet midis dy vendeve.
Ai ka falënderuar kryeministrin Rama për “udhëheqjen e tij të shquar” dhe ka vlerësuar bashkëpunimin e ngushtë mes tyre.
Sekretari Blinken ka theksuar optimizmin që ka vërejtur në energjinë e qytetit dhe ka shprehur bindjen se Shqipëria është në rrugë drejt një të ardhme të integruar me Perëndimin, Evropën dhe botën.
“Zoti kryeministër është jo vetëm një udhëheqje e shquar, por edhe një kryeministër shumë i mirë, edhe këto tre vitet e fundit katër, që kemi punuar bashkë zoti kryeministër ka qenë pranë nesh dhe i ka përballuar këto vështirësi se bashku me ne. Gjithçka ku shikoni ju, edhe unë e pashë sot në rrugët e Tiranës, mund ta shihni energjinë optimizmin për të ardhmen, një e ardhme e integruar me perëndimin me Evropën dhe botën”, ka deklaruar mes tjerash ai.