Sekretari amerikan i Shtetit, Antony Blinken, ka përkujtuar vdekjen e gazetarit, Jamal Khashoggi më 2 tetor të vitit 2018.
Përmes një postimi në Twitter, Blinken ka cilësuar vrasjen e tij sikurse një sulm ndaj lirisë së shprehjes kudo në botë gjersa ka theksuar se ai do të vazhdojë t’i mbështesë mbrojtësit e të drejtave të njeriut.
“Vrasja e Jamal Khashoggi 4 vjet më parë ishte gjithashtu një sulm ndaj lirisë së shprehjes kudo. Gjersa mbajmë zi për Jamalin, ne do të vazhdojmë të qëndrojmë dhe të mbështesim mbrojtësit e të drejtave të njeriut, gazetarët dhe të tjerët për të mbrojtur liritë themelore në mbarë botën”, ka shkruar ai.
Jamal Khashoggi’s murder 4 years ago was also an attack on freedom of expression everywhere. As we mourn Jamal, we'll continue to stand with and support human rights defenders, journalists, and others to protect fundamental freedoms worldwide.
— Secretary Antony Blinken (@SecBlinken) October 2, 2022
Presidenti i SHBA-së, Joe Biden kishte thënë se ngriti çështjen e vrasjes së gazetarit Jamal Khashoggi, gjatë një takimi me princin e kurorës saudite, Mohammed bin Salman, në korrik të këtij viti. Nga ana tjetër, princi saudit gjithmonë i ka mohuar akuzat dhe prokurorët sauditë, të cilët i fajësuan agjentët “mashtrues” të Arabisë Saudite.
Më 2 tetor të vitit 2018, Jamal Khashoggi, një gazetar saudit u vra nga agjentë të qeverisë saudite në konsullatën saudite në Stamboll, Turqi.
Princi i Arabisë Saudite e mohon vrasjen e Khashoggit, Biden: Mendoja se ishte ai