Policia e Kosovës ka bërë të ditur se në komunën e Zubin Potokut është raportuar për një incident, ku dy persona se kanë vendosur një kamion në rrugë, duke penguar qarkullimin normal të automjeteve.
Në raportin 24-orësh të policisë thuhet se dy personat e dyshuar, mashkull dhe femër, janë shoqëruar për intervistim, njofton Dukagjini.
Pas marrjes së deklaratave dhe procedurave përkatëse, me vendim të prokurorit ata janë liruar në procedurë të rregullt.
“Zubin Potok/ 29.11.2025-18:30. Dy të dyshuar një mashkull dhe një femër kanë vendosur kamionin në rrugë dhe kanë penguar lëvizjen. Të dyshuarit janë intervistuar dhe me vendim të prokurorit janë liruar në procedurë të rregulltë”, thuhet në njoftim.