Përfaqësuesi i Lartë të BE-së, Josep Borrell, pas takimit me kryeministrin e Kosovës, Albin Kurti ka thënë se normalizimi i raporteve me Serbinë, është kyç për rrugën Kosovës drejt BE-së.
Borrell së bashku Përfaqësuesin e posaçëm të BE-së, Miroslav Lajçak në kuadër të Konferencës së Sigurisë që po mbahet në Mynih të Gjermanisë u takuan me Kurtin, ku theksoi se do të takohen për takim të nivelit të lartë në Bruksel më 27 shkurt.
“U takova me Kurtin në #MSC2023 për të diskutuar për nevojën për avancim të propozimit të BE-së për normalizim raportesh me Serbinë, që është kyç për rrugën e Kosovës drejt BE-së. Do të takohemi në Bruksel për takim në nivel të lartë më 27 shkurt”, ka shkruar Borrell në Twitter
Met with @albinkurti at #MSC2023 to discuss the need to advance on EU Proposal on normalisation of relations with Serbia, which is key for Kosovo’s EU path.
We will meet in Brussels for the High Level Dialogue Meeting on 27 February. pic.twitter.com/9uk7PY1mQB
— Josep Borrell Fontelles (@JosepBorrellF) February 18, 2023
Ndërsa, në njoftimin e zyrës së Kryeministrit, Kurti me Borrell dhe Lajçak kanë diskutuar për propozimin evropian dhe dialogun Kosovë-Serbi.
Gjithashtu, është folur për takimin e radhës në Bruksel të thirrur për 27 shkurt nga Bashkimi Evropian.
“U diskutua për procesin e dialogut dhe propozimin evropian, të iniciuar nga Franca dhe Gjermania dhe të mbështetur nga Shtetet e Bashkuara të Amerikës dhe Italia. Po ashtu u fol për takimin e radhës në Bruksel të thirrur për 27 shkurt nga Bashkimi Evropian”, thuhet në njoftim.