Përfaqësuesi i lartë, i Bashkimit Evropian, Josep Borrell u takua të martën në Bruksel me zëvendëskryeministrin e Parë dhe Ministrin e Punëve të Jashtme të Serbisë Ivica Daçiq.
Në këtë takim u diskutua për dialogun dhe marrëdhëniet e Kosovës me Serbinë.
Borrell e ka theksuar nevojën për t’i kapërcyer krizat eventuale ndërmjet dy vendeve.
“Për dialogun Beograd-Prishtinë të lehtësuar nga BE-ja, Përfaqësuesi i Lartë Borrell përsëriti nevojën për të kapërcyer menaxhimin e përhershëm të krizës, dhe për këtë arsye pritet angazhim konstruktiv në propozimin e fundit të BE-së për normalizimin e marrëdhënieve. Ai e ka vlerësuar pozitivisht ndërhyrjen publike të Presidentit Vuçiq për këtë çështje dje”, thuhet në njoftimin e BE-së.
Received 1st Deputy Prime Minister & Minister of Foreign Affairs @IvicaDacic on his first visit to Brussels in his new capacity
We discussed #Serbia’s EU path and the importance therein of CFSP alignment and the Belgrade-Pristina Dialogue.
Press release: https://t.co/wsNefo5diW pic.twitter.com/kIETHFcenL
— Josep Borrell Fontelles (@JosepBorrellF) January 24, 2023
Në këtë takim është diskutuar edhe për marrëveshjet e arritura ndërmjet dy vendeve. Borrell ka theksuar se secila marrëveshje e arritur në Bruksel duhet të respektohet, duke vënë theksin te themelimi i Asociacionit të Komunave me Shumicë Serbe.
“Përfaqësuesi i Lartë më tej nënvizoi rëndësinë që të dyja palët të zbatojnë plotësisht të gjitha obligimet e Dialogut në pritje, duke përfshirë themelimin e Asociacionit/Komunitetit të komunave me shumicë serbe”, thuhet në njoftim.
Borrell e ka nënvizuar rëndësinë e vënies së sanksioneve ndaj Rusisë, pas agresionit të paprovokuar dhe të pajustifikuar ndaj Ukrainës.