Këngëtarja e njohur Britney Spears është goditur në fytyrë nga një roje e yllit të NBA-së, Victor Wembanyama.
Incidenti dyshohet se ndodhi mbrëmjen e së mërkurës në një restorant në Vegas, ku Britney ka përjetuar goditjen nga një anëtar i sigurisë së basketbollistit.
Sipas dëshmitarëve, Britney ka tentuar të bëjë një fotografi me Victor Wembanyama, por situata ka shkuar keq kur një anëtar i sigurisë së tij është përfshirë në një përleshje me këngëtaren.
Mediumi TMZ ka siguruar një video ku shihet që Britney është sulmuar nga truproja e basketbollistit.
Po ashtu, thuhet se roja nuk e dinte se kush ishte këngëtarja kur e goditi.
Këngëtarja Spears ka raportuar ngjarjen te autoritetet e policisë, dhe pritet të takohet me zyrtarët e policisë së Los Angeles për të diskutuar rastin.
Burri i këngëtares, Sam Asghari, thuhet se ishte i pranishëm, së bashku me dy persona të tjerë.
Megjithatë, organet e rendit kanë bërë të ditur se i dyshuari, i identifikuar si Damian Smith, drejtori i sigurisë së ekipit, nuk po trajtohet si një kriminel, pasi është vlerësuar se veprimi i tij ishte për ta mbrojtur Victor Wembanyama.
Incidenti ka ndodhur në restorantin Catch, që ndodhet në hotelin ARIA, në Las Vegas, rreth orës 20:30. Britney Spears ishte në shoqëri të bashkëshortit të saj, Sam Asghari, dhe dy personave të tjerë për të drekuar.
Policia dhe autoritetet vijojnë të hetojnë rastin për të siguruar informacione të plotësisë së ngjarjes.