Krijuesja 40-vjeçare e hiteve “Toxic” dhe “Womanizer” ka kënduar “Hold Me Closer”, një ribërje e këngës së Elton John’s “Tiny Dancer” të vitit 1971.
“Okie dokie … kënga ime e parë në 6 vjet. Është shumë mirë që po këndoj me një nga burrat më klasikë të kohës sonë,” shkroi Spears në një postim në Twitter këtë javë.
“Jam disi e tronditur … është një gjë shumë e rëndësishme për mua”, ka shtuar Spears.
Spears u lirua nga kujdestaria ligjore që e kishte kontrolluar jetën e saj personale dhe financat për 13 vjet.
Okie dokie … my first song in 6 years 🎶 !!!! It’s pretty damn cool that I’m singing with one of
the most classic men of our time … @eltonofficial 🚀!!!! I’m kinda overwhelmed… it’s a big deal to me !!! I’m meditating more 🧘🏼♀️ and learning my space is valuable and precious !!!— Britney Spears 🌹🚀 (@britneyspears) August 25, 2022
Babai i saj Jamie Spears, i cili kishte kërkuar marrëveshjen e vendosur nga gjykata në 2008, u hoq nga posti i kujdestarit në shtator të vitit 2021. Ai ka thënë se qëllimi i tij i vetëm ishte të ndihmonte vajzën e tij të rikthente karrierën e saj ,pasi ajo pësoi një krizë të shëndetit mendor në vitin 2007, dhe se ai gjithmonë vepronte në interesin e saj më të mirë.
Në dhjetor 2021, Spears bëri të ditur se ajo nuk ishte ende gati të kthehej në muzikë. Albumi i saj i fundit në studio ishte “Glory” i vitit 2016.
“Pasi dëgjoi pjesën e parë të këngës në fillim të kësaj vere, Elton John e kuptoi se vokali i njohur i Britney Spears ishte prekja e përsosur për ta sjellë këngën në jetë”, thuhet në njoftim.
Në fillim të kësaj jave, John e prezantoi këngën në një restorant në jug të Francës, duke kënduar së bashku me mysafirët.
“Jam absolutisht i emocionuar që pata mundësinë të punoj me Britney Spears,” ka thënë John, shkruan Reuters.
“Ajo është me të vërtetë një ikonë, një nga yjet më të mëdhenj të muzikës pop të të gjitha kohërave dhe ajo tingëllon mahnitëse në këtë këngë. Unë e dua shumë dhe jam i kënaqur me atë që kemi krijuar së bashku.”