Kryetari i Bashkimit të Sindikatave të Pavarura të Kosovës (BSPK), Atdhe Hykolli, ka thënë se më 10 gusht të vitit 2022 kryesia e Sindikatave të Bashkuara të Kosovës kanë mbajtur një mbledhje të jashtëzakonshme për shkak se është përkeqësuar gjendja ekonomike e sociale e të punësuarve të Republikës së Kosovës.
Hykolli iu ka drejtuar qytetarëve për të sqaruar pse BSPK-ja po hyn në grevë.
”Ligji na obligon se sa herë që mbyllen rrugët e tjera të cilat nuk i përmbushin kërkesat tona”, kjo është arsye që po e shpallin grevën ka thënë Hykolli.
“Nuk ia dolëm të ulemi në tavolinën e dialogut social, me partnerin tonë social Qeverinë e Kosovës”, ka përfunduar ai.
Tutje ai ka treguar se ata kishin shteruar të gjitha rrugët ligjore për realizimin e kërkesave të tyre që sipas Hykollit këto janë të arsyeshme.
Ai ka thënë se qe një vit nuk u plotësuan kërkesat, andaj grevat janë të pashmangshme.
“Duam dhe kërkojmë rritjen e pagave për të gjithë të punsuarit deri sa të miratohet ligji i pagave”, ka shtuar ai.
Ndërsa, Rrahman Jashari nga Sindikata e Arsimit ka thënë se pas një rrugëtimi shumë të gjatë për të arritur diçka me dialog, adminstrata, çerdhet, shkollat dhe universitetet do të hyjnë në grevë.
“Ne urojmë që greva të zgjasë sa më pak”, ka thënë kryetari i SBASHK-ut, Rrahman Jashari.