Ish-kryeinspektori i AKI-së, Burim Ramadani, është rikthyer në radhët e AAK-së.
Lideri i partisë, Ramush Haradinaj, e prezantoi sot si prurje të re dhe njoftoi se Ramadani do të jetë pjesë e listës së kandidatëve për deputet.
Në një postim në Facebook, Haradinaj shkroi se politika kosovare ka nevojë për njerëz si Ramadani.
Ai e përshkroi atë si një profesionist të përgatitur, me integritet dhe përvojë, i cili do të kontribuojë në mënyrë të matur dhe kritike në Parlament.
Haradinaj gjithashtu theksoi mbështetjen e tij të plotë për kandidimin e Ramadanit.