Njohësi i çështjeve politike Muhamet Bytyqi ka komentuar situatën politike në vend pas zgjedhjeve të 28 dhjetorit dhe mundësinë e krijimit të institucioneve të reja.
Ai ka deklaruar se edhe në muajin shkurt ka pasur hapësirë të mjaftueshme për formimin e institucioneve, por se ka munguar vullneti politik për ta bërë këtë.
Bytyqi ka theksuar se edhe tani vendin e pret një skemë krize, e cila sipas tij pritet të shfaqet në fund të shkurtit ose në fillim të marsit, periudhë kjo kur duhet të zgjidhet edhe presidenti i ri i vendit.
“Në situatën në të cilën jemi, realisht pushteti nuk i ka numrat për të zgjedhur një president nga radhët e veta dhe i duhet mbështetja e një subjekti opozitar apo partneri për qeverinë”, ka thënë ai.
Sipas Bytyqit, as rezultati prej 50 për qind të votave nuk e kënaq kryeministrin Albin Kurti.
“Nuk besoj se z. Kurti as 50% e knaqin, sepse synimet e tij janë përtej qeverisjes dhe kjo situatë pak më frikëson në kuptimin se çka po do ai prej qytetarëve të Kosovës”, ka deklaruar Bytyqi.