Ministri i Kulturës, Hajrullah Çeku, ka reaguar ndaj Petar Petkoviq, drejtorit të Zyrës për Kosovën në Qeverinë e Serbisë pas kërkeses ndaj kësaj të fundit.
Petar Petkoviq i ka kërkuar Qeverisë të respektojë vendimin e Kushtetueses për tokën e Manastirit të Deçanit. Çeku ka thënë se Petkoviq duhet të fillojë ta njohë faktin që Kosova është shtet sovran dhe demokratik, përpara se të fillojë të bëjë kërkesa ndaj Kosovës.
“Instanca më e lartë ligjore? Po mendon Gjykata Kushtetuese e Republikës së Kosovës? Para se ta lejosh veten të bësh ndonjë kërkesë nga shteti ynë, të fillojmë me njohjen e fakteve në terren. Ju lutem përsëriteni pas meje: Kosova është një shtet sovran dhe demokratik”, ka thënë Çeku përmes një postim në Twitter.
The highest legal instances? You mean the Constitutional Court of the Republic of Kosova? Before you allow yourself to request anything from our country, let's begin with acknowledging the facts on the ground. Please repeat after me: Kosova is a sovereign and democratic state. 🇽🇰 https://t.co/RCOGibl0L0
— Hajrulla Çeku (@HCeku) April 16, 2022
Çeku ka gjithashtu një kërkesë. Ai ka kërkuar që Serbia të ndalë sulmet naj Policisë së Kosovës.
“Sygjerime shtesë: Kërkoni falje për gjenocidin e kryer (Kisha Ortodokse e Serbisë është e mirëseardhur t’ju bashkëngjitet), jepni informatat për personat e zhdukur me dhunë, paguani dëmet ekonomike, përfshirë shkatërrimin e më shumë se një mijë lokacioneve të trashëgimisë, ktheni artefaktet tona të vjedhura.
P.S ndalni sulmet terroriste ndaj policisë sonë”, ka shkruar Çeku.
Additional suggestions: apologise for committing genocide (SOC is welcomed to join), reveal info on the forcefully dissappeared persons, pay for economic destruction, incl. destruction of 1k+ heritage sites, return our stolen artefacts.
PS. Stop terrorist attacks on our Police.
— Hajrulla Çeku (@HCeku) April 16, 2022
Ky reagim i Çekut vjen pas komentimit të Petkoviq rreth vendimit të Gjykatës Kushtetuese për tokën rreth Manastirit të Deçanit.