Nënkryetarja e Partisë Demokratike të Kosovës (PDK), Vlora Çitaku, ka reaguar ndaj vendimit të Qeverisë në detyrë për të shpërndarë nga 100 euro për studentët vetëm tre ditë para mbajtjes së zgjedhjeve lokale.
Në një postim të publikuar në rrjetet sociale, Çitaku e ka cilësuar këtë veprim si “abuzim me taksat e qytetarëve për qëllime elektorale”, duke akuzuar kryeministrin në detyrë dhe njëkohësisht kryetarin e Lëvizjes Vetëvendosje, Albin Kurti, për manipulim me paratë publike në prag të votimeve.
“Ja si duket abuzimi me taksat e qytetarëve të Republikës së Kosovës për nevoja elektorale të Kryetarit të LVV.
Reagimi i saj erdhi pas njoftimit të, Albin Kurti, se është procesuar pagesa e parë për 49,623 studentë nga të gjitha drejtimet dhe institucionet e arsimit të lartë, publike e private, të cilët janë kualifikuar si përfitues të shtesës së njëhershme prej 100 eurosh.
Në një SMS dërguar studentëve nga Zyra e Kryeministrit, Kurti ka uruar fillimin e vitit të ri akademik dhe ka njoftuar për përfitimin e shumës, duke theksuar se “me qeverinë tonë, studentët gjithmonë do të kenë mbështetjen e shtetit”.