Nënkryetarja e Partisë Demokratike të Kosovës (PDK), Vlora Çitaku ka thënë se partia në pushtet, ndarjen e pushteteve po e sheh si kërcënim.
Përmes një postimi në Facebook, Çitaku ka thënë se në demokracitë liberale Kushtetuta dhe ligji shërbejnë si pararojë për të kufizuar epshet, ambicjet, e ndonjëherë edhe deliret e politikanëve të papërgjegjëshëm.
“Pra, në qeverisje e kemi një parti e cila ndarjen e pushteteve dhe rendin kushtetues të Republikës së Kosovës e sheh si kërcënim. Në demokracitë liberale Kushtetuta dhe ligji shërbejnë si pararojë për të kufizuar epshet, ambicjet, e ndonjëherë edhe deliret e politikanëve të papërgjegjëshëm “, ka shkruar Çitaku.
Ajo e ka kritikuar Qeverinë për “mendësi totalitare”, të cilën ajo e ka quajtur kërcënim.
Ndryshe, në mbledhjen e Qeverisë, që është mbajtur të mërkurën, kryeministri i Kosovës, Albin Kurti ka thënë se në disa raste niveli i qeverisjes lokale po përdoret si opozitë ndaj nivelit qendror.
Kurti: Qeverisja lokale në disa raste po përdoret si opozitë ndaj asaj qendrore