Ekipi kosovar “Bad News Eagles”, i cili arriti suksese të jashtëzakonshme në CS-GO, më në fund është bërë me organizatë.
Njoftimi i fundit shënon fillimin e një epoke të re për “Guild”, pasi organizata ka vendosur të nënshkruajë me yjet tona që do të luajnë nën emrin e “Guild Eagles”.
Organizata me bazë në Mbretërinë e Bashkuar, ka bashkëpronar legjendën e futbollit, David Beckham.
Kjo organizatë ka hyrë më parë në Counter-Strike me nënshkrimin e një ekipi të femrave dhe tani zgjeron praninë e saj në Valve, duke nënshkruar listën e saj të parë me meshkuj përpara “PGL Copenhagen Major”.
Ekipi i përbërë nga Flatro “juanflatroo” Halimi, Rigon “rigoN” Gashi, Genc “gxx-” Kolgeci, Sener “SENER1” Mahmuti dhe Dionis “sinnopsyy” Budeci, kanë qenë pa mbështetje organizative që nga fillimi i tyre gati dy vjet më parë. Përkundër kësaj, formacioni kosovar mori pjesë në tre Majors dhe arriti në fazën e Legends në të gjitha për t’u bërë një histori e lavdëruar shumë e famshme.
“Me publikimin e CS2, ne kuptuam se nuk kishte kohë më të mirë për ne për të rritur praninë tonë në Counter-Strike. Trajektorja e listës së ‘Bad News Eagles’ ka qenë frymëzuese dhe mishëron qëndrimin që vlerësojmë këtu në Guild Esports – ne mezi presim t’i mbështesim ata në udhëtimin e tyre në CS2″, tha Jasmine Skee, CEO e Guild Esports, në lidhje me njoftimin.
Stafi stërvitor i Jonatan “Devilwalk” Lundberg dhe Kevin “kRYSTAL” Amend kanë bërë gjithashtu kalimin në organizatën e re, dhe suedezi ishte plot lavdërime për vizionin e GUILD. “Kemi pasur oferta nga organizata të shumta gjatë kohës që ishim ekip i panënshkruar, por në fund zbuluam se Guild ishin më të përafruarit me atë që duam të arrijmë në CS2.
“Me atë që kemi parë tashmë nga takimi me stafin dhe duke parë ambientet, nuk kemi dyshim se këtu i përkasim për të arritur nivelin tjetër.”
Debutimi i listës për organizatën e tyre të re do të vijë të mërkurën në Finalet Online 4 të CCT 2023, ku ata do të përballen me Preasy në çerekfinalen e grupit të sipërm.