Ish-zv.Kryeministri Dardan Gashi, ka thënë se dënimet e Gjykatës Speciale janë Skandal pasi janë të rënda dhe në të kaluaren ka pasur dënime nga Tribunali i Hagës, por kanë qenë simbolike.
Gashi ka reaguar edhe ndaj Ministres së Drejtësisë, ku ka thënë se ajo dje ka reaguar ndaj një Gjykimi ku është dënuar deputetja e LVV, ndërsa sot nuk ka përcjellur seancën.
Gashi ka ngritur një parale duke e atakuar qeverinë e Kosovës e cila nuk ka reaguar pas dënimit të Nasim Haradinajt dhe Hysni Gucatit.
Sipas tij, kjo qeveri nuk e ka problem ndërhyrjen në drejtësi duke rikujtuar reagimin e ministres së Drejtësisë Albulena Haxhiut e cila kishte reaguar ndaj vendimit të gjykatës që kishte dënuar deputeten e Lëvizjës Vetëvendosje, Jetmire Vranezi.
Dardan Gashi i ftuar në emisionin “Debat Plus” në RTV Dukagjini ka ngritur dilemën, duke thënë se dje a nuk ka qenë ndëryhrje në drejtësi mqë bëhet fjalë për një deputet të Lëvizjës Vetëvendosje ndërsa sot, ministrja thotë se është ndërhyrje në drejtësi edhe nuk e kam parë seancën.
“4 vjet dënim për një protestë pasi ata nuk kanë shpalosur kurrfar sekreti, përveç se kanë zbuluar se këto aktakuza bazohen në të dhënat e shërbimeve Serbe”.
Ndër të tjera Gashi ka thënë se dënimet e tilla janë skandal, meqë në të kaluarën ka pasur raste kur Gjykata e Hagës ka dënuar me nga një muaj burg.