Raundi i 16-të i Kupës së Botës ka filluar tashmë me ndeshjen e parë të Holandës dhe Shteteve të Bashkuara të Amerikës.
Holanda e ka nisur në mënyrën më të mirë ndeshjen ndaj ShBA-së, pasi befasoi portierin amerikan me një gol në minutën e 10-të të pjesës së parë.
Golin e ka realizuar Memphis Depay pas asistimit të Denzel Dumfriesit.
Dumfries gjeti Depay dhe bëri një asistim të shkëlqyer në skajin e zonës, e që sulmuesi e goditi rrjetën e amerikanëve për rezultatin 1-0.
Christian Pulisic pati një shans të artë për t’i dhënë epërsinë ShBA-së kur u gjend i vetëm në portë në minutat e para, por portieri holandez, Andries Noppert erdhi në shpëtimin e ekipit të tij me një pritje të madhe të topit.
Ndeshja po zhvillohet në stadiumin “Khalifa International”.
Fituesi i kësaj ndeshjeje në çerekfinale takohet me fituesin e ndeshjes Argjentinë – Australi, e cila do të zhvillohet të shtunën me fillim nga ora 20:00.