Deputeti holandez i Parlamentit Evropian, Thijs Reuten ka thënë se presidenti i Serbisë, Aleksandër Vuçiq është duke përdorur Bashkimin Evropian si një bankomat të tijin, gjersa të njëjtës ia refuzon të nënshkruajë marrëveshjet e ndërmjetësuara nga ajo, siç ishte ajo me Kosovën.
Përmes një postimi në Twitter, Reuten ka bërë të ditur se ka kërkuar shpjegime nga Komision Evropian lidhur me mënyrën e trajtimit të propozimit franko-gjerman nga ana e presidentit të Serbisë, Aleksandër Vuçiq.
“Sot e pyeta Komisionin Evropian për të shpjeguar politikën e pakuptueshme të Serbisë. Vuçiq po përdor Bashkimin Evropian si bankomat të tij, pastaj kthehet dhe refuzon të nënshkruajë marrëveshjen e ndërmjetësuar nga BE-ja me Republikën e Kosovës. Ndaloni këtë financim vetëshkatërrues të obstruksionizmit të Vuçiqit”, ka shkruar ai.
Today, I asked the @EU_Commission to explain its unintelligible Serbia 🇷🇸 policy.
Vučić uses the European Union as his ATM, then turns around and refuses to sign the EU-brokered agreement with the Republic of Kosovo.
Stop this self-defeating funding of Vučić’s obstructionism. pic.twitter.com/KtSHYUWZvG
— Thijs Reuten 🇪🇺🌹 (@thijsreuten) March 3, 2023
Krahas kësaj, i njëjti ka pyetur komisionin e lartcekur se çfarë hapash planifikojnë të ndërmarrin për të inkurajuar Serbinë të dakordohet me planin evropian.
Ditë më parë, ishte Vuçiq ai i cili tha se nuk do ta lejojë në asnjë formë anëtarësimin e Kosovës në OKB.
Nga ana tjetër, kryeministri i Kosovës, Albin Kurti dhe presidenti i Serbisë, Aleksandar Vuçiq, u takuan më 27 shkurt në Bruksel, me ç’rast, u pajtuan se nuk kanë më nevojë të diskutojnë për propozimin evropian për normalizimin e raporteve në mes dy vendeve.
Takimi i ardhshëm do të jetë më 18 mars në Maqedoninë e Veriut.