Policia e Kosovës, ka njoftuar se është dërguar në vuajtje të dënimit një person i cili kërkohej me urdhër arrest ndërkombëtar, nën dyshimet për vjedhje të rëndë.
Ai është arrestuar nga zyrtarë të stacionit policor të Fushë Kosovës, të cilët kanë qenë duke u marrë me një rast të prishjes së rendit dhe qetësisë publike në një lokal.
“Sot pas përfundimit të procedurave të nevojshme policore, si dhe pas caktimit të masës së paraburgimit nga gjykata, personi i dyshuar; V.D, mashkull, 30 vjeç, është dërguar në vuajtje të dënimit”, thuhet në njoftim
“Pas verifikimit të personit të dyshuar, në të dhënat zyrtare i njëjti ka rezultat se kërkohej me urdhërarrest ndërkombëtar, për veprën vjedhje e rëndë”, vijon njoftimi.