Si në çdo vit tjetër, bashkatdhetarët të cilët jetojnë në vende të ndryshme të Evropës kanë marrë rrugën drejt Kosovës për t’i kaluar pushimet.
Raporti i Qendrës Kombëtare për Menaxhim Kufitar ka bërë të ditur se pikat kufitare me Serbinë si Dheu i Bardhë dhe Merdari, vijojnë të mbesin më të ngarkuarat edhe mëngjesin e së enjtes së 3 gushtit.
Në hyrje të pikës kufitare në Merdar, pritjet në hyrje janë deri në pesë minuta, ndërsa në dalje deri në 90 minuta, ndërkaq kolonat në dalje raportohet të jenë deri në 900 metra.
Kurse në hyrje të pikës tjetër kufitare te Dheu i Bardhë, pritjet deri në 5 minuta, ndërkaq në dalje pritjet janë regjistruar deri në 40 minuta, ndërkaq kolona e automjeteve është deri në 250 metra.
Gjendja në kohë reale në pikat kufitare mund të përcillet në faqen e Ministrisë së Punëve të Brendshme.