Dhjetëra të vdekur pas zjarrit që shpërtheu në një dyqan në Kinë

Të paktën 39 persona kanë vdekur dhe nëntë janë plagosur pasi një zjarr shpërtheu në një dyqan në Kinën juglindore, thanë mediat shtetërore të mërkurën

Zjarrfikësit punojnë në vendin e zjarrit në një dyqan në qytetin juglindor të Kinës, Xinyu, 24 janar 2024.

Të paktën 39 persona kanë humbur jetën dhe nëntë të tjerë janë plagosur nga një zjarr që shpërtheu në bodrumin e një dyqani në qytetin kinez Xinyu.

Media shtetërore ka njoftuar se zjarri filloi të mërkurën pasdite sipas kohës lokale në qytetin e provincës Jiangxi.

Pamjet nga Global Times i mbështetur nga shteti treguan tym që dilte nga ndërtesat dhe njerëz që hidheshin nga dritaret, raporton BBC.

Presidenti Xi Jinping ka bërë thirrje për një hetim mbi zjarrin.

Ai gjithashtu ka kërkuar “frenimin e vendosur” të incidenteve të ngjashme vdekjeprurëse në vend.

Zjarri i së mërkurës vjen disa ditë pasi 13 fëmijë vdiqën kur një zjarr shpërtheu në një konvikt shkolle në provincën qendrore Henan. Shtatë anëtarë të stafit u arrestuan më vonë nga policia.

Në nëntor, 26 njerëz vdiqën dhe dhjetëra u dërguan në spital pas një zjarri në një zyrë të kompanisë qymyri në provincën Shanxi të Kinës veriore.

Një muaj më parë, një shpërthim në një restorant në Kinën veriperëndimore la 31 të vdekur dhe nxiti premtimet zyrtare për një fushatë mbarëkombëtare për të promovuar sigurinë në vendin e punës.

Dhe prillin e kaluar, një zjarr në spital në Pekin vrau 29 njerëz dhe detyroi të mbijetuarit e dëshpëruar të hidheshin nga dritaret për të shpëtuar.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika