Donjeta Sadiku e ka mundur në çerekfinale rumunen, Andrea Loredana Marin, dhe me këtë fitore, ajo kaloi në gjysëmfinale të Kampionatit Evropian të boksit, i cili po mbahet në Budva të Malit të Zi.
Kjo është medalja e parë evropiane për Federatën e Boksit të Kosovës për rangun elitar.
Ndërsa, boksierja Sadiku në maj të këtij viti, ka fituar medaljen e bronztë në Botërorin që është mbajtur në Turqi.
Gjatë ndeshjes me rumunen, Sadiku ishte bindëse në dy raundet e para, ndërsa ka humbur në raundin e tretë. Megjithatë kalimin në gjysëmfinale e arriti në kategorinë deri në 60 kilogramë.
Sadiku para se të mposhte rumunen, ka mposhtur në një të tretën e finales, boksieren e Greqisë, Marinela Cani.