Policia e Kosovës ka njoftuar se është identifikuar një shofer, i cili në zonën ku kufizimi i shpejtësisë është 50 km/h ka drejtuar mjetin me shpejtësi 99 km/h.
I njëjti rezulton se ka ndalesë në drejtimin e mjetit me veprim motorik deri në vitin 2024.
“Njësia Trafikut Rajonal ne Prizren në zonën ku kufizimi i shpejtësisë është 50 km/h ka identifikuar shoferin duke drejtuar mjetin me shpejtësi 99 km/h, mirëpo pas verifikimit i njëjti rezulton se ka ndalesë në drejtimin e mjetit me veprim motorik deri në vitin 2024 si dhe kishte edhe një raste tjera te kësaj natyre”, ka njoftuar Policia e Kosovës.
Shoferi i mjetit është larguar nga trafiku dhe është gjobitur me 300 euro si dhe i është vazhduar masa mbrojtëse.