Ilirjan Zhubi ka thënë se skuadra nga Gjakova nuk e ka obligim me çdo kusht që këtë edicion të promovohet në elitën e futbollit kosovar.
Ai ka theksuar se objektivi është të stabilizohen në Ligën e Parë dhe të punojnë me grupmoshat e reja.
”Nuk jemi pretendent që me çdo kusht të shkojmë në Superligë. Për ne është me rëndësi që hap pas hapi të stabilizojmë ekipin për ligën në të cilën jemi, të punojmë me akademinë. Besoj që ky vit nuk është viti që na obligon që të hyjmë me çdo kusht në Superligë,” ka thënë Ilirjan Zhubi.
Klubi i Vëllaznimit është riorganizuar muajt e fundit, pas problemeve të mëdha financiare.
Sot në Ferizaj, gjakovarët bënë një paraqitje të mirë në barazimin 0-0 kundër Dinamos, në ndeshjen e vlefshme për xhiron e parë të Ligës së Parë, grupi A.