Durmishi: Situata nga vërshimet është e menaxhueshme, institucione lokale e qëndrore janë në teren

Zëvendësministri i Infrastrukturës dhe Transportit, Hysen Durmishi ka thënë se situata e krijuar nga vërshimet është e menaxhueshme

Pamje të postuara nga zëvendësministri i Infrastrukturës dhe Transportit, Hysen Durmishi

Zëvendësministri i Infrastrukturës dhe Transportit, Hysen Durmishi ka reaguar lidhur me vërshimet nga reshjet e shiut që ndodhën gjatë kësaj të diele.

Durmishi ka thënë se situata e krijuar me vërshimet është e menagjueshme.

Zëvendësministri i Infrastrukturës dhe Transportit ka bërë të ditur se të gjitha institucionet lokale dhe qendrore janë në teren.

Mes tjerash, Durmishi ka potencuar se po bëjnë “gjithçka që është e mundur që ta kalojmë me sa më pak dëme”.

“Të dashur qytetarë, Situata e krijuar me vërshimet është e menagjueshme. Jemi të gjithë në teren institucione lokale e qëndrore. Po bëjmë gjithçka që është e mundur që ta kalojmë me sa më pak dëme”, ka shkruar Durmishi.

Në lidhje me vërshimet ka reaguar dhe ministri i Punëve të Brendshme, Xhelal Sveçla, i cili ka bërë thirrje për kujdes të shtuar.

“Ekipet e menaxhimit të emergjencave që nga orët e hershme të mëngjesit janë në teren dhe kanë reaguar në të gjitha rastet e evidentuara. Sapo kam pranuar raportin nga Agjencia e Menaxhimit të Emergjencave rreth gjendjes së krijuar me ç’rast konfirmohet se në zonën e Dukagjinit kemi dëme të ndryshme nga vërshimet”, ka shkruar ai.

Aktualisht, sipas Sveçlës situata është duke u menaxhuar dhe është në monitorim të vazhdueshëm nga Qendrat Emergjente në të gjitha komunat.

Shija e redaktorit

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Të fundit nga rubrika