Sipas raportit 24-orësh të Policisë së Kosovës, të dielën e 12 qershorit rreth orës 04:55, Policia e Kosovës në rajonin e Ferizajt ka pranuar një informacion se, në rrugën “Epopeja e Jezercit” ka ndodhur një rrahje.
Personi me inicialet H.A (M/K) i moshës 40-vjeçare ka pësuar lëndime trupore nga dy 17-vjeçarë, të cilit më pas kanë ikur nga vendi i ngjarjes.
Ky rast është cilësuar si ” Lëndim trupor”, ndërsa i lënduari pasi ka marrë ndihmën e parë mjekësore në Qendrën Emergjente në Ferizaj, për tretman të mëtutjeshëm mjekësor është dërguar në Qendrën Klinike Universitare në Prishtinë.
“Njësia e Hetimeve të stacionit të policisë në Ferizaj, nën autorizim të Prokurorit të Prokurorisë Themelore në Ferizaj, kishte nisur hetimet intensive dhe pas një pune hetimore, mbledhjes së informacioneve në terren, në po të njëjtën ditë, rreth orës 15:55 ka arrestuar dy të dyshuarit e kësaj ngjarje me inicialet E.SH ( M/K) dhe SH.N ( M/K), të moshave 17-vjeçare”, thuhet në njoftim.
Pas intervistimit nga hetuesit policor, të dyshuarit janë ndaluar në mbajtje për 24 orë.