Një person ka mbetur i vdekur dhe dy të tjerë janë plagosur në fshatin Majac të Podujevës.
Dyshohet se të lënduara janë një grua dhe e dyshuara për vrasje.
Shefi i Emergjencës në Podujevë, Arben Beqiri, ka bërë të ditur se gjendja e të plagosurave është e rëndë.
“Viktima ka vdekur në vendin e ngjarjes. Dy të tjerat janë të plagosura rëndë dhe janë transferuar për në Prishtinë”, ka deklaruar ai për Kallxo.com.
Po ashtu, bëhet e ditur se njësia elitare FIT e Policisë së Kosovës ka intervenuar në objektin ku ka ndodhur ngjarja dhe e ka vënë situatën nën kontroll.