Është arrestuar një i dyshuar kosovar nën dyshimin se ka dhunuar një mitur.
Raporti 24-orësh i Policisë së Kosovës bën të ditur se viktima ka bërë një ekzaminim mjekësor, raportet e të cilit tregojnë se ekzistojnë elemente të kryerjes së veprës. Ndërkaq, rasti ka ndodhur në Viti.
“Viti 11-12.03.2023 – 21:30-08:00. Është arrestuar i dyshuari mashkull kosovar nën dyshimin se ka dhunuar viktimën femër kosovare-e mitur. Viktimës iu është bërë ekzaminimi mjekësor dhe në bazë të raporteve ekzistojnë elemente të kryerjes së veprës së dhunimit. Familjarët e të dyshuarit kanë dorëzuar raporte mjekësor në bazë të së cilave, i dyshuari ka diagnozën prapambetje mendore e shkallës së lehtë”, thuhet në raport.
Me vendim të prokurorit, i dyshuari pas intervistimit është dërguar në mbajtje.