E djathta ekstreme fiton zgjedhjet në Suedi, kryeministrja socialdemokrate jep dorëheqjen

Kryeministrja suedeze, Magdalena Andersson, njëkohësisht dhe liderja e socialdemokratëve ka dhënë dorëheqje nga pozita e saj si kryeministre, pas humbjes së zgjedhjeve parlamentare

Kryeministrja aktuale e Suedisë dhe liderja e socialdemokratëve, Magdalena Andersson

Kryeministrja socialdemokrate e Suedisë, Magdalena Andersson, të mërkurën ka pranuar humbjen, dhe ka njoftuar se do të japë dorëheqje nga pozita e saj si kryeministre, pasi opozita shënoi një fitore në një nga zgjedhjet më të afërta ndonjëherë në vendin më të madh nordik.

Me 99% të votave të numëruara, Andersson e cila u bë kryeministrja e parë grua e Suedisë vitin e kaluar, ka thënë se rezultatet treguan se kundërshtarët e saj kanë fituar.

“Kështu që nesër do të dorëzoj dorëheqjen time si kryeministre, dhe përgjegjësia për procesin e vazhdueshëm do t’i shkojë kryetarit,” u ka thënë Andersson, gazetarëve gjatë një konferencës për shtyp.

Kryeministrja suedeze Magdalena Andersson debaton kundërshtarin e saj Ulf Kristersson në Stokholm të shtunën. Foto Agjencia e Lajmeve TT nëpërmjet Reuters

Megjithatë, posti i Kryeministrit sipas të gjitha gjasave do t’i shkojë kreut të Partisë së Moderuar, Ulf Kristersson, pasi kreu i Social Demokratëve, Jimmie Akesson, nuk është në gjendje t’i bashkojë të katër partitë për të drejtuar qeverinë, raporton France 24, transmeton Dukagjini.

Ulf Kristersson

“Tani filloj punën për formimin e një qeverie të re dhe të fortë”, ka thënë Kristersson në një video të postuar në Facebook.

Po ashtu, në një postim në Facebook të mërkurën, Akesson ka falënderuar “miqtë e Suedisë”, në mbarë vendin. “Tani fillon puna për ta bërë Suedinë përsëri të madhe,” ka deklaruar kreu i partisë.

Udhëheqësi i Partisë Demokratike të Suedisë, Jimmie Akesson

Formalisht, procesi i ndryshimit politik mund të nisë vetëm pas njoftimit të dorëheqjes së kryeministres Andersson të enjten.

Ndërsa, kryetari i organit më të lartë vendimmarrës të Suedisë, “Riksdag”, mund t’i japë Ulf Kristersson-it detyrën për të formuar një shumicë mes katër partive, duke hapur një periudhë negociatash.

Zgjedhja e kreut të ri të qeverisë nuk mund të bëhet para 27 shtatorit, kur të hapet përsëri parlamenti.

Zgjedhjet në Suedi: Partia e djathtë opozitare kryeson minimalisht

Shija e redaktorit

Librat e verës nga “Dukagjini”, zgjedhjet më të mira për...

Vera është koha ideale për aventura, por jo të gjitha ndodhin jashtë. Disa nga udhëtimet më të paharrueshme ndodhin brenda faqeve të një libri....

Shtëpia botuese “Dukagjini” propozon 9 libra që mund t’ju shoqërojnë...

Vera nuk është vetëm koha e pushimeve, por edhe e rikthimit te vetja. Në këtë periudhë kur ditët janë më të gjata e ritmi...

Pas raportimit të Dukagjinit, 3 donatorë i dalin në ndihmë...

Gjendjes së rënduar të familjes Krasniqi në Llukar e për të cilën raportoi ditë më parë Dukagjini, i kanë dal në ndihmë disa qytetarë...

Të fundit nga rubrika