Xhudistja nga Kosova, Distria Krasniqi, ka siguruar vendin në finale në Lojërat Olimpike të Parisit 2024, duke i sjellë Kosovës një medalje olimpike.
Në gjysmëfinale, Distria Krasniqi u përball me Odette Giuffrida nga Italia.
Katër minutëshi i rregullt i përballjes ishte në favor të Distria Krasniqit, e cila ishte e parrëzueshme në gjithë meçin.
Por, kundërshtarja e saj u mposht pas tri ndëshkimeve.
Krasniqi doli fituese edhe nga kjo sfidë, duke siguruar kështu një vend në finalen e madhe dhe duke qenë vetëm një hap larg nga medalja e artë olimpike.
Fitorja e Distria Krasniqi në gjysmëfinale është një moment historik dhe krenarie për gjithë vendin.
Tani, të gjithë sytë janë drejt finales, ku Distria do të garojë për arin e shumëpritur olimpik.
Ajo në finale do të përballet me xhudisten nga Uzbekistani, Diyora Keldiyorova
Distria kaloi rrethin e parë pa luftë, duke treguar përgatitjen dhe vendosmërinë e saj për të arritur majat.
Në rrethin e dytë, ajo triumfoi me Ippon ndaj Maryam March Maharani nga Indonezia, duke shfaqur teknikë të shkëlqyer dhe kontroll të plotë të ndeshjes.
Në çerekfinale, Krasniqi mposhti xhudisten nga Izraeli, Gefen Primo, po ashtu me Ippon, duke siguruar një vend në gjysmëfinale.
Distria Krasniqi kalon në gjysmëfinale në Lojërat Olimpike “Parisi 2024”