Është arrestuar një i dyshuar pasi i njëjti duke mos i zbatuar urdhërat e ka sulmuar fizikisht njërin prej zyrtarëve policorë.
Në raportin e saj 24-orësh, Policia e Kosovës ka njoftuar se i dyshuari i ka shkaktuar lëndime trupore zyrtarit policor.
Tashmë viktima ka pranuar tretman mjekësor, ndërsa i dyshuari pas intervistimit me vendim të prokurorit është liruar në procedurë të rregullt hetimore.
“Prishtinë / 28.02.2024 – 23:20. Është arrestuar i dyshuari mashkull kosovar pasi i njëjti duke mos i zbatuar urdhërat e ka sulmuar fizikisht njërin prej zyrtarëve policorë, të cilit i ka shkaktuar lëndime trupore. Viktima ka pranuar tretman mjekësor, ndërsa i dyshuari pas intervistimit me vendim të prokurorit është liruar në procedurë të rregullt hetimore”, thuhet në raport.