Të hënën, në ditën e pranverës, në ora 13:30, mbahet një marsh solidarizimi me komunitetin e Sindromës Down me moton “Ec me këpucët e mia”, për nder të Ditës Botërore.
Në këtë organizim do të marrë pjesë presidentja, Vjosa Osmani. Marshi nis nga ndërtesa e Kuvendit të Kosovës deri te sheshi “Zahir Pajaziti”.
Shoqata personave me Sindromë Down do të vendosë produktet të punuara nga anëtarët me sindromë në tri tezga në sheshin “Zahir Pajaziti” në Prishtinë.
Ndërkaq, Sindroma Down është sindroma më e hasur në botë, 1 në 691 lindje. Në bazë të të dhënave të Shoqatës Down Syndrome Kosova, në Kosovë brenda vitit lindin rreth 35-40 foshnja me Sindromë Down. Numri i përgjithshëm i individëve me sindromë Down në Kosovë është mbi 920.