Kryeministri i Shqipërisë, Edi Rama gjatë ditës së hënë ka pritur në takim Ministrin e Punëve të Jashtme të Greqisë, Nikos Dendias.
Përmes një postimi në rrjetet sociale Twitter, Dendias ka thënë se marrëdhëniet dypalëshe, zhvillimet rajonale dhe përspektiva e Shqipërisë në BE ishin disa nga temat që u diskutuan në takim.
“Në përfundim të vizitës sime në Tiranë, u takova me kryeministrin e Shqipërisë, Edi Rama. Diskutuam mbi marrëdhëniet dypalëshe, perspektivë e Shqipërisë në BE dhe zhvillimet rajonale”, ka thënë Dendias në Twitter.
Më herët, gjatë një deklarate të përbashkët për shtyp me homologen Olta Xhaçka, Nikos Dendias ka thënë se Greqia mbështet Shqipërinë për hapjen e negociatave me Bashkimin Europian.