Kryeministri i Shqipërisë Edi Rama në një konferencë të përbashkët me kryeministrin holandez, Mark Rutte, para gazetarëve në Amsterdam, ka thënë se Serbia nuk duhet të lihet nën ndikimi rusë sepse kjo do të mund të nxiste konflikte të reja, dhe si zgjidhje ajo duhet të futet në BE, në mënyrë që t’i evitojmë konfiliktet në një zonë siç është Ballkani Perëndimor.
“Lidhur me Ballkanin e Hapur, kam biseduar me kryeministrin holandez, Mark Rutte, dhe me udhëheqës të tjerë”.
Rama ka thënë se i ka njoftuar këta të fundit se “Ballkani Perëndimor është pjesa më e cenueshme e zinxhirit që mund të preket dhe larg qoftë të thyhet si pasojë e luftës në Ukrainë dhe në anën lindore. Rusia ka një influencë të qartë brenda, ka disa lidhje tradicionale me Serbinë”.
“Ndaj, unë besoj se duhet ta marrim Serbinë me ne dhe mos ta lëmë të shkojë nga ana tjetër”, ka propozuar Rama.
Tutje i pari i qeverisë shqiptare ka treguar rolin të cilin është duke e kryer. Ballkanin e Hapur, sipas tij këtë nismë rajonale e “ka ndihmuar, e po kështu qëndrimi për t’i thënë gjërat, për të nxitur Serbinë të bëhet pjesë e të harmonizohet me sanksionet, por nga ana tjetër të kuptohet që ka nevojë për kohë, ky është qëndrimi i duhur”.
Propozimin i presidentit të Francës, Emanuel Macron, për një Komunitet të ri Politik Evropian, për kryeministrin e Shqipërisë një gjë e tillë do ta bëjë bashkë Ballkanin Perëndimor, që të ketë qasje në temat që kanë peshë ndërkombëtare.