Oqeanet arritën nivelet e tyre më të nxehta dhe më acidike të regjistruara në vitin 2021 dhe shkrirja e shtresave të akullit i shtyu nivelet e detit në lartësi të reja, thuhet në një raport të Organizatës Botërore të Meteorologjisë.
Organizata paraqiti një pamje të zymtë në raportin e saj vjetor të klimës globale, me Sekretarin e Përgjithshëm Petteri Taalas që parashtronte numrat.
“Ka qenë rreth 2 milimetra në vit 20 vjet më parë, por kohët e fundit, ne kemi parë 4.5 milimetra në vit rritje të nivelit të detit, që është një rekord deri tani”, ka thënë Taalas.
Nivelet atmosferike të dioksidit të karbonit dhe metanit që ngrohin klimën gjithashtu tejkaluan rekordet e mëparshme, shtoi raporti. Dhe me temperaturën mesatare globale të vitit të kaluar 1.11 gradë Celsius mbi mesataren paraindustriale, bota po i afrohet pragut 1.5 gradë.
Pikërisht këtu pritet që efektet nga ngrohja të bëhen drastike, paralajmëron këshilltari special i OKB-së, Selwin Hart.
“Pa shumë, shumë veprime dhe ambicie të mëdha, shumë më tepër urgjencë, ne jemi gati të humbasim dritaren e ngushtë të mundësisë për të mbajtur gjallë objektivin 1.5 shkallë të marrëveshjes së Parisit.”
Shefi i OKB-së, Antonio Guterres e ka quajtur raportin një dështim të njerëzimit.
Me rritjen e çmimeve të energjisë dhe me vendet evropiane që përpiqen të zëvendësojnë Rusinë si furnizues i energjisë.
Raporti i WMO-së tha se oqeani u ngroh shumë më shpejt në 20 vitet e fundit. Ky trend nuk pritet të përfundojë së shpejti dhe organizata paralajmëroi se ndikimet e atij ndryshimi mund të duhen shekuj apo edhe mijëvjeçarë për t’u kthyer e sidomos në shëndetin njerëzor.