“Efekti i liberalizimit të vizave do të vërehet pas gjashtë mujorit të parë të vitit”

Me 1 janar 2024 Kosova zyrtarisht ka marrë dritën e gjelbër për liberalizimin e vizave për qytetarët e saj.

Ndërsa, sektori i gastronomisë thuhet se do preket nga liberalizimi i visave.

I ftuar tek emisioni “Rreth e Rrotull”, gastronomi Veton Zuka ka theksuar se sektori i gastronomisë do preket dhe do përjetojë krizë sidomos për kuzhinierët apo ndihmëskuzhinierët.

“Kërkesat dhe lejet për punë kanë filluar edhe më parë por mundësitë për lëvizje kanë qenë shumë të vogla. Por nuk është veç kjo fazë prej janarit, nuk është risi tani për tani.  Përndryshe, po, por nuk vërehet menjëherë por sa i përket punëtorëve ka pas telashe sidomos pas pandemisë, e ka bërë një kthesë në vetëdijësimin të punëve dhe profesioneve për të u gjindur njerëzit.”

Zuka pranon se do të ketë telashe edhe në sektorin e gastronomisë duke theksuar se ka punëtor që presin për të shkuar larg vendit, për një vend dhe kushte më të mira të punës.

Ndërsa sa i përket mungesë të punëtorëve, do të ketë mungesë të kuzhinierëve dhe ndihmëskuzhinierëve sepse “kërkohen si me qenë doktora”.

” Prodhim të gastronomis do të ketë telashe më të mëdha pavarësisht që do të thotë se shërbimi mundet me u modifiku, se shkojnë self servis,ndërron koncepti, modifikohet biznesi, shkurtohen punëtorët.., pavarësisht që varet nga gastronomi se sa mundet me pa prej larg këtë feature”, është shprehur Zuka.

Ndërsa, në profesionin e Burimeve Njerëzore, Donart Zeqiri nga HR BEE Academy, ka thënë se vërehet lëvizja brenda këtij muaji të qytetarëve të Kosovës që ushtrojnë këtë profesion, por mbetet të shihet në vijim se a e kanë vetëm vizitë tek familjarët apo synojnë diçka më shumë.

” Relativisht ka  lëvizje, nuk mundemi me definu se a është ikje apo është vetëm vizitë për arsye se është vetëm një mundësi  e lëvizjes. Të paktën kompanitë ende nuk kanë deklaruar se e kanë lëshuar vendin e punës apo po dojnë me lëvizë. Vërehet një ftohje mes relacionit punëdhënësit dhe punëtorit.  Ka bazë se dojnë me lëvizë”, ka thënë Zeqiri.

Ndërsa siç po alarmohet se do të ketë lëvizje të qytetarëve, Zeqiri ka thënë se do të ketë por jo në shifrat siç po pretendohet.

“Është një lloj qetësie, para furtunës. Nuk dihet saktësisht se çka ka me ndodh. Por gjithsesi do të lëvizin qytetarët e Kosoves për arsyeje të ndryshme, si për faktorët e tjerë qoftë për mirëqenien sociale, për shkak të edukimit por edhhe për faktorët e tjerë ekonomik. Lëvizin për mossiguri në vendin tonë, një arsimim të saktë, qoftë edhe për sigurinë e luftës nacional që përmendet kohët e fundit”, ka thënë Zeqiri.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika