Qendra Kinematografike e Kosovës ka emëruar komitetin selektues për përzgjedhjen e filmit të Kosovës për edicionin e 96-të të Oscars.
Ky komitet i emëruar përbëhet nga: Veton Nurkollari, Kaltrina Krasniqi, Sevdije Kastrati, Doruntina Basha, Fatmir Spahiu, Kushtrim Hoxha dhe Yllka Brada.
QKK-ja kishte hapur thirrjen në muajin korrik të këtij viti për propozime të filmave në kategorinë “film ndërkombëtarë/gjuhë e huaj”, i cili mund ta përfaqësojë Kosovën këtë vit.
Komiteti selektues i lartcekur do ta bëjë përzgjedhjen e filmit që do të dërgohet si propozim, i cili mund ta përfaqësojë Kosovën në Akademinë Oscars.